有一樣野比 IQ 更重要
有一樣野，比起IQ更能預測人嘅成功。所謂心態決定境界，今日介紹一樣野叫做成長心態。
大家先想像，今日係家庭聚會嘅時間，如果有兩個親戚過嚟講你聽以下嘅諗法，你會點樣回應？
1，八十幾歲阿嫲想學芭蕾舞。
2，五十幾歲肥阿叔想變成6-pack大隻佬。
你會叫佢哋努力加油堅持呀！定係直接潑冷水，同佢講一把年紀你唔得㗎啦丶唔好搞咁多嘢？
如果佢哋真係好有決心，你信唔信會得？外國真係有80幾歲婆婆跳芭蕾舞，韓國大把大叔變成大隻佬。
如果你相信肌肉可以訓練、技巧可以學習，如果你相信透過努力和練習就可以進步，恭喜你，你有「成長心態」growth mindset。
相反，如果你一開始已經覺得「算啦，你/我都唔係xx嘅材料啦」，或者你覺得成功嘅人係因為「天資聰穎、天生係某方面嘅材料」，你就係擁有「固化心態」fixed mindset。
研究發現，擁有「成長心態」的人相信透過努力、練習可以慢慢進步，遇到困難時會把困難視為「練習機會」，屢敗屢戰。但是擁有「固化心態」的人覺得成功是因為「天資」，而天資並不是他們可以改變的東西。所以他們通常捨難取易丶只會選擇容易的任務來做，唔想俾人覺得「唔叻」。
所以「成長心態」的人會迎難而上、「固化心態」的人只會逃避困難。
擁有「成長心態」，比起「擁有高智能」更能預測一個人的成就！
而好消息是：「成長心態」是可以培養的。家長老師可以教導、也可以身作則。重視孩子的努力、學習過程，鼓勵孩子與自己比較。我哋希望讓小朋友相信，腦袋也像「一舊大肌肉」，用得多就大隻又好用，經常唔用就會縮水唔好用。
倫敦的士司機由於長期訓練，腦部負責空間記憶的hippocampus 結構產生變化！變得比一般人更大更發達！
所以，中三學生仲可唔可以學番好啲英文？可以！而你一把年紀／現在才發現「成長心態的重要」會唔會太遲？我會答你，阿婆都仲可以學跳舞，只要你願意！
#成長心態決定境界 #IQ #Fixed Mindset vs Growth Mindset
#試吓講「未得」唔係「唔得」#ThePowerOfYet
#腦袋係一舊肌肉
# Focus on development of future self; not on validation of current self!
